آسان اُردو پڑھنے کے لیے فانٹ ڈاؤن لوڈ کیجیے
Pakistan Time
عالمی یوم معذوراں کے حوالے سے منعقدہ تقریب
سپیشل بچوں کی دیکھ بھال اور تعلیم و تربیت انتہائی کٹھن مرحلہ ہے ۔قلندر لودھی
تحریک انصاف کی صوبائی حکومت سپیشل بچوں کی تعلیم و تربیت پر خصوصی توجہ دے رہی ہے SAM کے حوالے سے وزیر اعلیٰ خیبر پختون خوا سے خصوصی تذکرہ کروں گا اور جہاں تک ممکن ہو سکا اس ادارے کے ساتھ مستقل بنیادوں پر تعاون کیا جائے گا ان خیالات کااظہار مشیر برائے خوراک حکومت خیبر پختون خوا الحاج قلندر خان لودھی نے گذشتہ روز معذور افراد کی تنظیم SAMکے دورہ کے موقع پر عالمی یوم معذوراں کے حوالے سے منعقدہ تقریب سے خطاب کے دوران کیا قلندر خان لودھی نے کہا کہ سپیشل بچوں کی دیکھ بھال اور تعلیم و تربیت انتہائی کٹھن مرحلہ ہے یہ خصوصی بچے تمام معاملات میں خصوصی توجہ کے طالب ہوتے ہیں اور بڑا وقت مانگتے ہیں سابقہ ادوار میں سپیشل بچوں پر کوئی توجہ نہیں دی گئی عالمی یوم معذوراں کے حوالے سے چند تسلی کے الفاظ کا ہیر پھیر کر کے خصوصی افراد کو ہمیشہ نظر انداز کیا گیا حالانکہ یہ معاشرے کا وہ طبقہ ہوتا ہے جو بھرپور صلاحیتیں رکھتا ہے صرف تھوڑی سی توجہ دے کر ان افراد بالخصوص سپیشل بچوں کو معاشرے کا کارآمد شہری بنایا جا سکتا ہے قلندر خان لودھی SAM کے ڈائریکٹرز اجمل وحید اور ثمینہ کوثر کے حوصلوں کی تعریف کی اور اپنی طرف سے اور حکومت خیبر پختون خوا کی طرف سے ہر ممکن تعاون کی یقین دہانی کرائی بعد ازاں SAM کے بچوں نے خصوصٰ ٹیبلو پیش کیا جسے دیکھ کر قلندر خان لودھی کی آنکھیں بھر آئیں اس موقع پر انہوں نے اپنی ذاتی جیب سے ماہانہ ادارے کے اخراجات میں سے کچھ حصہ اپنے ذمہ ڈالنے کا اعلان کیا۔
